سعر ومواصفات النترا HD

سعر ومواصفات النترا HD

مراجعة سيارة النترا HD

الديزاين الخارجي

التصميم الخارجي للعربية عصري بالنسبة للسعر ويعتبر من الأسباب الرئيسية في الإقبال
عليها بين المصريين العربية مزودة بمصابيح LED أمامية وسبويلر خلفي ولمسات من النيكل
أمامية وجانبية والعتب مع جنط سبورت في الفئات الأعلي

مساحة العربية والشنطة

العربية واسعة جدا والمساحة الأمامية مناسبة جدا للقيادة والكنبة الخلفية الـ Leg Room ممتازة
هي والـ Head Room بس في نفق فتيس ونقدر نقول أن الكنبة الخلفية تتسع لشخصين وطفل
أو شخص متوسط الحجم وهيبقي قاعد متقيد مساحة الشنطة الخلفية مقبولة 402 لتر ومساحة التخزين
جوا العربية كبيرة لكن الأبواب الخلفية مفيهاش مساحة تخزين ومساحة الرؤية ممتازة سواء من الأمام
أو الخلف وهتبقي شايف الطريق بكل وضوح

التصميم الداخلي

سعر ومواصفات النترا HD

التصميم الداخلي للكابينة محبط شوية معظم السيارات الاقتصادية بيكون فيها بلاستيك وده شئ
مقبول لكن النترا اتش دي البلاستيك فيها ردئ جدا ومش مياه واحدة شكله بيختلف من مكان
للتاني وبالنسبة للتقفيل فهو أسوأ من الخامات، الكسوة في الكراسي والكنبه خامتها رديئة جدا
وهتسييلك احساس بعدم الراحة

 حابين ننوه أن ده مش الموديل الكوري اللي كان بينزل زمان ده الموديل الجديد اللي بيتجمع في مصر

التجهيزات

التجهيزات في العربية متواضعة جدا الكاسيت فيه مشغل اسطوانات وAUX و USB لكن من غير بلوتوث
والدركسيون مفيهوش أزرار Multi-Function

المحرك

المحرك 4 سلندر بسعة 1600 CC بقوة 121 حصان عند 6200 لفة و156 نيوتن متر عزم عند 4200 لفة
مع فتيس أوتوماتيك 4 سرعات والنسبة التسارع 11 ثانية وأقصي سرعة للعربية 182 كم/ساعة بالرغم من
أن المحرك قديم بالنسبة للمحركات الحالية لكن أدائه كويس جدا داخل البلد هيبقي الأداء سلس لكن في تأخر
في الاستجابة بسيط لأن المحرك أفضل أداء ليه زي ما احنا شايفين علي عدد لفات عالي وعلي الطريق
هتلاحظ الفرق ده والأداء هيتحسن بشكل كبير والفتيس اقتصادي تقليدي جدا استجابته بطيئة شوية ومفيهوش
سبورت مود لكنه مش هيضايقك أوي

سعر ومواصفات النترا HD

العزل عن الضوضاء

العزل في العربية كويس جدا مش هتحس بصوت الموتور و الهوا أوي غير علي السرعات
الأعلي من 100 كم/ساعة وداخل البلد على السرعات القليلة ممتاز بالنسبة للسعر

العفشة والتوجيه والثبات

سعر ومواصفات النترا HD

العفشة تعتبر من مميزات النترا اتش دي العربية ثباتها كويس جدا وأحسن بكتير من الموديل الكوري
زائد أنها مريحة وبتمتص المطبات والنقر كويس بس منقدرش نقول أن أدائها رياضي وهتلاحظ ميل
أو Body Roll في السرعات العالية في المنعطفات

الدركسيون ناشف وتقيل معاك وهيعزز ثقتك أثناء القيادة على الطريق لكن استجابته بطيئة
والـ Feedback مش كويس ويتسم بعدم الدقة

وسائل الأمان

بالنسبة للأمان العربية ملهاش أي اختبارات أمان للأسف الفئة الأولي بتيجي من غير أي نظام أمان
ومفيهاش ايرباج حتي واعلى فئة فيها 2 ايرباج و ABS لمنع انزلاق الفرامل وEBD لتوزيع قوة الفرامل

تشتري العربية ولا لأ؟

تشتري العربية دي لو عايز تريح دماغك لأنها اعتمادية جدا واثبتت ده بين المصريين خلال السنين
اللي فاتت قطع غيارها متوفرة في كل حتة وأسعار صيانتها منخفض وكمان سعرها منخفض جدا
وأداء المحرك كويس وشكلها الخارجي محبب لقلوبنا بالرغم أنه قديم  كنا نتمني بس أن الخامات تبقي
أحسن من كده لأنها فعلا رديئة جدا وكمان مفيهاش حاجة لو الفئة الأولي تيجي بايرباج واحد حتي
و ABS لأن السلامة أهم شئ في أي عربية من وجهة نظرنا

سعر ومواصفات النترا HD

قد يعجبك ايضا