سعر ومواصفات كيا بيجاس

سعر ومواصفات كيا بيجاس

مراجعة سيارة كيا بيجاس 2020

الديزاين الخارجي

بخلاف سيارات الفئة تحت المدمجة اللي يتم اهمال التصميم فيها كيا بيجاس مختلفة عنهم تماما
والسبب في ده أن تصميمها مستوحى من سيارة كيا ريو 2020 الجديدة وده يعطيها مظهر جذاب
وعصري وكل خط فيها مرسوم بعناية

مساحة العربية والشنطة

مساحة الشنطة 475 لتر ومساحات التخزين داخل العربية ممتازة المساحة الأمامية كويسة لكن
لو رجعت الكرسي هتأثر علي المساحة الخلفية كمان كرسي القيادة مش بيعلي ويوطي
المساحة الخلفية كويسة بالنسبة لحجم لعرض العربية الصغير الكنبة الخلفية تستوعب فردين وطفل ومفيش نفق فتيس

التصميم الداخلي

سعر ومواصفات كيا بيجاس

التصميم الداخلي للعربية كلاسيكي ومتناسق مع مراعاة التوفير معظم الخامات من البلاستيك
لكن جودة التقفيل ممتازة أزرار النوافذ اتنقلت في منتصف التابلوه لكنها لازالت في متناول ايديك
مثل باقي الأزرار، العدادات الأنالوج مع الشاشة الديجيتال لعرض البيانات بمظهر عصري للغاية
الدركسيون هو اللي نال أكبر اهتمام من كيا بلمسات من اللون الفي اللامع و Piano Finish
ومزود بأزرار الـ Multi-Function وكمان العربية مزودة بشاشة 7 بوصة تعمل باللمس سلسة جدا
في التعامل معاها وفيها خاصية Android Auto و Apple Carplay و الفئة الهاى لاين فيها فتحة سقف
بانوراما مش هتلاقيها في أي عربية بالسعر ده

المحرك

سعر ومواصفات كيا بيجاس

محرك 4 سلندر 1400 CC بقوة 95 حصان عند 6000 لفة في الدقيقة
وعزم 132 نيوتن متر عند 4000 لفة في الدقيقة بنسبة تسارع من 0 لـ 100 في حوالي 12 ثانية
وأقصى سرعة للسيارة 180 كم/ساعة بمعدل استهلاك 7 لتر لكل 100 كم داخل البلد مع فتيس اوتوماتيك
4 سرعات، العربية أول ما تطلع بيها بتاخد وقت لأن العزم قليل شوية زي معظم السيارات الاقتصادية
لكن ابتداء من سرعة 50 كم/ساعة أداء العربية بيختلف تماما بسبب وزن العربية الخفيف حوالي 1000 كجم
وهتلاقي المحرك نشيط جدا معاك والأداء مذهل بالنسبة للفتيس الأوتوماتيك تقليدي جدا ويميل للأقتصادية وسلس
في النقلات نسبيا لكن لا الموتور أو الفتيس هيوفرلك أداء رياضي

سعر ومواصفات كيا بيجاس

العزل عن الضوضاء

العزل داخل البلد متوسط وعلي الطريق هتسمع صوت الهوا من فتحة السقف والأبواب و هتسمع العفشة
وتفاعل العربية مع الطريق نقدر نقول أن العزل ليس الأفضل لكنه مقبول بالنسبة للسعر

العفشة والتوجيه والثبات

سعر ومواصفات كيا بيجاس

العفشة في العربية ناشفة علي السرعات المنخفضة والمتوسطة هتحس بدبدبة على خفيف وهتسمع صوت العفشة
لكن كل ما السرعة تزيد هتحس بتفاعل العربية مع الطريق وتحس بدبدبة أكتر، مميزات العفشة الناشفة أكتر بكتير
من عيوبها صحيح أنت بتضحي بجزء من الراحة لكن العربية ثابتة معاك بشكل رهيب مقارنة بعربيات الفئة الاقتصادية
بالرغم أن وزنها خفيف، هتعزز ثقتك أثناء القيادة وتديلك إحساس بالأمان خصوصا أن الدركسيون تقيل معاك وبتبقي
متحكم في مسار العربية كويس و مطمئن أكثر في الملفات لكن بردو الـ Feedback بتاع الدركسيون مش رياضي
وهتلاحظ Delay أو تأخر بسيط وده مقبول جدا بالنسبة للسعر

وسائل الأمان

الفئتين مزودين بنفس مستويات الأمان ABS لمنع انغلاق الفرامل مع  EBD لتوزيع قوة الفرامل
و 2 ايرباج ودي من مميزات العربية الحقيقة أنها بتوفرلك وسائل الأمان الأساسية بأقل تكلفة

تشتري العربية ولا لأ؟

العربية دي تتفوق على منافسيها من نفس الفئة السعرية في نقطتين الأولى هي التجهيزات العالية اللي
مش هتلاقيها في سيارة اقتصادية زي فتحة السقف والشاشة السمارت مع Android Auto و Apple Carplay
والكاميرا الخلفية وطبعا جودة التقفيل العالية تاني نقطة وهي تجربة القيادة الممتعة والثبات على الطريق
تشتري العربية دي لو عايز توفر فلوس وفي نفس الوقت تشتري عربية فيها تجهيزات موجودة في فئات سعرية أعلى
وكمان تصميمها الخارجي جديد وغير تقليدي مش هتلاقيها منتشرة في كل حتة
وحابين ننوه تاني أن كيا بيجاس مش عربية صيني وتم تصنيعها في مصانع كيا

سعر ومواصفات كيا بيجاس

قد يعجبك ايضا