مراجعة تويوتا كورولا 2019 السيارة الأكثر مبيعا في العالم مع المميزات والعيوب لكل فئة

تويوتا كورولا 2019

مراجعة تويوتا كورولا 2019

مراجعة تويوتا كورولا 2019

مراجعة سيارة كورولا 2019

الديزاين الخارجي

التصميم الخارجي لكورولا 2019 فيه روح رياضية فتحات التهوية الأمامية تخليك
تحس أن العربية فيها موتور قوي وليها مظهر هجومي يميزها عن عربيات السيدان التانية
المصابيح الأمامية تصميمها حاد ولمسات النيكل مع علامة تويوتا بتدي العربية رونق خاص
الـ Foglight الأمامي موجود في الفئة التالتة والرابعة والخلفي موجود في كل الفئات من عيوب
العربية أن أول فئتين مزودين بطاسات 16 لكن الفئات الأعلى مزودة بجنط سبور 16
تاني عيب وده اللي اشتكي منه المستخدمين هو الخلوص أو ارتفاع العربية عن الأرض كان قليل
وهتلاقي العربية بتتحك معاك في المطبات عشان كده كل الفئات بتكون مزودة بمصفحة

مساحة العربية والشنطة

مساحة شنطة العربية 470 لتر تكفي احتياجاتك لكنها ليست الأفضل بالنسبة للـ Leg Room
مساحتها ممتازة وهتقعد مرتاح والـ Head Room كويسة جدا من مميزات كورولا أن مفيهاش
نفق فتيس والكنبة تتسع لشخصين بالغين وشخص متوسط الحجم

الخامات والتجهيزات

مراجعة تويوتا كورولا 2019

التصميم الداخلي للعربية راقي جدا ومنظم من بعيد هتحس أن التابلوه والابواب من الجلد حتى
في أول فئة وده بسبب حسن اختيار الالوان والديزاين العبقري من تويوتا لكن لما تقرب هتشوف
كل حاجة علي حقيقتها الخامات لو مسكتها هتلاقي جودتها تحت المتوسطة والعربية فيها بلاستيك
كتير خصوصا في أول فئة لكن ابتداء من الفئة التالتة الخامات جودتها أحسن بكتير التشطيب
في كل الفئات ممتاز ونقدر نقول أن الديزاين الداخلي للعربية راقي جدا وكلاسيكي خصوصا
تصميم الفتيس الـ CVT المطعم بالنيكل بالنسبة للعداد بيكون أنالوج تقليدي وفي الفئات الأعلى
بيكون معاه شاشة صغيرة لعرض البيانات الكراسي في كل الفئات من القماش وأعلى فئة
من الجلد والقماش وهتلاقي مكان المسند في الباب جنب الأزرار جزء مغطى بالقماش
لو اتكلمنا عن التجهيزات بداية التكييف لا يعلى عليه كعادة تويوتا دائما الفئة الأولى بيكون يدوي
والفئات الأعلى بيكون اوتوماتيك مزدوج المناطق

بالنسبة للفئة الأولى تجهيزاتها قليلة جدا مجرد راديو ومشغل اسطوانات وأزرار للتحكم في الصوت في الدركسيون
الفئة التانية بيبقى فيها الحاجات الأساسية مخرج AUX و USB وزجاج فاميه والنوافذ بالكهرباء 
الفئة التالتة
فيها زيادة بلوتوث ومصابيح ضباب أمامية و مرايات جانبية بسخان وأزرار Multi-Function
ومثبت للسرعة
الفئة الرابعة فيها شاشة 7 بوصة تعمل باللمس وخاصية الركن التلقائي

نقدر نقول أن تجهيزات العربية قليلة وتميل للاعتمادية أكتر من الرفاهية لكن الكاسيت في أول 3 فئات 
تصميمه قديم جدا الحقيقة ومش متناسق مع مظهر التابلوه الكلاسيكي الجميل

المحرك

بالنسبة للمحرك 1600 CC تنفس طبيعي بقوة 120 حصان عند 6000 لفة في الدقيقة
مع عزم 154 نيوتن متر عند 5200 لفة في الدقيقة مميزات المحرك أنه سلس جدا في
التعامل معاه وغير معقد ومعاه فتيس الـ CVT من تويوتا طبعا الناس بتقلق أول ما تسمع كلمة CVT
نقدر نقولك أن الفتيس ده من تويوتا لا غبار عليه تماما ومفيهوش أي مشاكل زي باقي العربيات التانية
تويوتا بذلت مجهود فائق في ضبط الفتيس مع المحرك والاتنين بيشتغلو في تناغم من غير أي مشاكل
لدرجة أنها استخدمت نفس المحرك والفتيس في موديل 2020 الجديد أداء المحرك اعتمادي جدا لكنه
مش رياضي خالص اوعي تنخدع بمظهر العربية الخارجي العربية بتقدملك أداء عائلي متوسط ومتوازن

مراجعة تويوتا كورولا 2019العزل عن الضوضاء

عزل الأصوات في الشارع كويس لكن هتبقي سامع صوت الموتور داخل الكابينة
خصوصا مع السرعات العالية 

العفشة والتوجيه والثبات

مراجعة تويوتا كورولا 2019

أداء العفشة متوازن لكنه يميل إلى الراحة وبتديلك مستوى متوسط من الثبات واستجابة الدركسيون كويسة
لكن علي السرعات العالية وفي الملفات أدائها تحت المتوسط

وسائل الأمان

مراجعة تويوتا كورولا 2019

أنظمة الأمان كل الفئات فيها ABS لمنع انزلاق الفرامل و EBD لتوزيع قوة الفرامل ومساعد فرامل 
Brake Assist ومصفحة و 2 ايرباج ماعدا آخر فئة فيها 6 ايرباج

ابتداء من الفئة الثانية العربية مزودة بنظام مساعدة للصعود على المرتفعات ونظام ثبات الكتروني
من تويوتا VSC لكن مفيهاش سينسور بارك أو كاميرا خلفية
الفئة التالتة فيها زيادة السينسور بارك
الفئة الرابعة فيها الكاميرا الخلفية

مراجعة تويوتا كورولا 2019

قد يعجبك ايضا