مقارنة كورولا 2020 و2019 مع مراجعة شاملة لمواصفات ومميزات وعيوب كل منهما

تويوتا كورولا

562

مقارنة كورولا 2020 و2019
النهاردة معانا مقارنة بين سيارات كورولا 2019 و2020
مع مراجعة شاملة لمواصفات ومميزات وعيوب كل منهما
تابعونا لمعرفة المزيد من التفاصيل
قناة امرك ياباشا على اليوتيوب .
اضغط هنا للاشتراك فى مسابقة برنامج ملك السيارات

مقارنة كورولا 2020 و2019

مقارنة كورولا 2020 و2019

مقارنة كورولا 2020 و2019

الديزاين الخارجي

التصميم الخارجي لكورولا 2020 أصبح أكثر هجومية من سابقه فتحات التهوية واسعة 
وعرضها أكبر تحسسك أن الموتور ضخم وقوي ومحتاج نظام تبريد معقد الكبوت عليه 
خطوط هجومية واضحة جدا والفوانيس الأمامية مسحوبة وملامحها حادة جدا والعربيتين 
فيهم لمسات من النيكل مع علامة تويوتا المميزو بالنسبة للتصميم الجانبي الـ Shoulder Line 
أرفع من موديل 2019 بشكل أنيق جدا وتم نقل المرايات الجانبية بحيث تكون أقرب للسائق عشان 
تساعد في الـ Aerodynamics (مقاومة جسم العربية للهوا) وتوفرلك مساحة رؤية أفضل 
لو اتكلمنا عن الواجهة الخلفية الليدات بتصميم جديد متناسق مع انسيابية العربية وأهم حاجة أنه 
تم زيادة ارتفاع العربية عن الأرض عشان موديل 2019 كان قريب وبيتحك في المطبات 
ودي خطوة ايجابية من تويوتا في الاهتمام بشكاوي عملائها الخلاصة نقدر نقول أن التصميم 
في 2020 أفضل وملامحه رياضية أكثر وكل تفصيله فيه مرسومة بعناية

مساحة العربية والشنطة

مساحة الشنطة في العربيتين 470 لتر ليست الأفضل في الفئة السعرية لكنها مقبولة وهتكفي 
احتياجاتك المشكلة في موديل 2020 أن بسبب التصميم الرياضي الجديد اللي بعد تماما عن
أي سمات عائلية القايم أو سقف العربية فيه انحناءه من الخلف ومنخفض و كمان زاوية الدخول 
من الباب الخلفي صغيرة لو شخص كبير الحجم هيواجه صعوبة أنه يدخل العربية وده مكنش 
موجود في موديل 2019 لأنها كانت متوازنة بين التصميم الرياضي والعائلية لكن بخلاف ذلك 
المساحات داخل العربية كويسة جدا سواء مساحات الأرجل أو مساحات الرأس وكمان من مميزات
سيارات كورولا أن مفيهاش نفق فتيس ولو حد راكب في منتصف الكنبة هياخد راحته

الخامات والتجهيزات

مقارنة كورولا 2020 و2019

التصميم الداخلي للعربيتين راقي جدا وكلاسيكي من بعيد هتحس أن العربية من الجلد بس لما تقرب 
أوي هتكتشف الحقيقة العربيتين في الفئات الأولي والتانية كلهم بلاستيك تقريبا وجودته رديئة 
خصوصا في الأبواب والتابلوه لكن الألوان المتناسقة والتقفيل الكويس بيديله مظهر جذاب لكنه 
مازال بجودة سيئة جدا ابتداء من الفئة التالتة وخصوصا الفئة الرابعة الوضع مختلف تماما العربية 
كلها من الجلد والخامات ممتازة لكن كنا نتمنا شوية اهتمام للفئات الأقل الحاجة المميزة فعلا في 
التصميم الداخلي وموجودة في العربيتين هو الفتيس الـ CVT الديزاين جميل جدا ومطعم بالنيكل

التجهيزات

بالنسبة للتجهيزات أولا التكييف كعادة تويوتا من أفضل التكييفات اللي ممكن تلاقيها وأدائه متميز جدا 
في الموديل الحالي و2019 لكن المشكلة هي فتحة التكييف الخلفية مش موجودة في أول فئتين

أول فئتين من كورولا 2019 فيهم طاسات 16 وباقي الفئات جنط سبورت 16 وكورولا 2020 
أول فئة طاسات 15 والفئات الباقية جنط سبورت 16

بالرغم أن سيارات كورولا تعتبر متواضعة من حيث التجهيزات لكن الموديل الجديد كان فيه
تطوير ملحوظ عن سابقه

الفئة الأولي
موديل 2019: راديو ومشغل اسطوانات وأزرار للتحكم في الصوت في الدركسيون
موديل 2020: أزرار Multi-Function وبلوتوث و 4 نوافذ بالكهربا ومخرج AUX و USB

الفئة التانية
موديل 2019: مخرج AUX و USB وزجاج فاميه والنوافذ بالكهرباء
موديل 2020: جنط 16 سبور والمرايات بسخان والزجاج الخلفي فاميه و مزودة بمصابيح ضباب أمامية 

الفئة التالتة
موديل 2019: بلوتوث و Fog Lights أمامية و مرايات جانبية بسخان وأزرار Multi-Function ومثبت للسرعة
موديل 2020: فتحة سقف وسينسور بارك مع عداد مزود بشاشة ديجيتال ومصابيح LED أمامية

الفئة الرابعة
موديل 2019: شاشة سمارت 7 بوصة بدل الكاسيت
موديل 2020: خامات بريميوم من الجلد وكاميرا خلفية وشاشة سمارت مع سوفت وير سهل جدا في التعامل معاه

الكاسيت في موديل 2019 تقليدي ومزود بشاشة صغيرة لكن موديل 2020 الشاشة أكبر وتصميمها بارز
عن التابلوه المشكلة في الموديل الجديد أنها غير متناسقة مع التصميم الداخلي ومعقدة جدا في التعامل معها
والسوفت وير قديم

المحرك
المحرك في العربيتين زي ما هو 1600 CC تنفس طبيعي بقوة 120 حصان عند 6000 لفة في الدقيقة
مع عزم 154 نيوتن متر عند 5200 لفة في الدقيقة ونفس الفتيس الـ CVT أداء المحرك مع الفتيس لا غبار عليه
وبيقدملك أداء كويس ومريح جدا لكنه بعيد تماما عن أي جانب رياضي الفتيس الـ CVT من تويوتا أفضل من أي شركة
منافسة ومش هتواجهك معاه أي مشاكل واستجابته كويسة جدا وبيشتغل في تناغم مع المحرك

التغيير الحقيقي في كورولا 2020 كان في قاعدة البناء الجديدة مركز ثقل العربية أقل 10 مم من الجيل السابق 
وجسم العربية أصبح أكثر صلابة بنسبة 60% والعفشة في كل الفئات أصبحت Multi-Link لثبات وراحة أكتر

العزل عن الضوضاء

العزل في كورولا 2019 جوا البلد كويس لكن هتبقي سامع صوت المحرك والهوا داخل الكابينة
خصوصا على السرعات العالية لو اتكلمنا عن كورولا 2020 العزل أحسن بكتير ومش هتسمع
صوت المحرك لكن هتسمع صوت الهوا والكاوتش بنسبة متوسطة

العفشة والتوجيه والثبات

مقارنة كورولا 2020 و2019

زي ما قولنا العفشة في كورولا 2020 مالتي لينك ناعمة جدا ومريحة بدرجة كبيرة لكن الراحة
بتكون علي حساب الاتزان وبالرغم من وجود أنظمة ثبات الكتروني ممتازة من تويوتا VSC
هتلاحظ ميل في جسم السيارة أو Body Roll في المنعطفات والسرعات العالية وهيكون واضح
جدا بالنسبة لعفشة كورولا 2019 أدائها متوازن ومتوسط علي السرعات العادية و يميل إلي الراحة
لكن أدائها تحت المتوسط علي السرعات العالية وفي المنعطفات

وسائل الأمان

تويوتا 2019 كل الفئات مزودة بـ ABS وEBD ومساعد للفرامل Brake Assist ومصفحة
و 2 ايرباج ماعدا أعلي فئة مزودة بـ 6 ايرباج وابتداء من الفئة التانية العربية مزودة بنظام ثبات
الكتروني من تويوتا VSC ونظام لمساعدة الصعود علي المرتفعات Hill Start Assist

وتتفوق عليها تويوتا 2020 بأن فيها كل وسائل الأمان السابقة وابتداء من أول فئة ماعدا الايرباج بيكون
2 ايرباج في أول 3 فئات وأعلي فئة مزودة بـ 6 ايرباج

مقارنة كورولا 2020 و2019

- الإعلانات -

قد يعجبك ايضا

- الإعلانات -